കോട്ടയം: ലോകബാങ്കിന്റെ സഹകരണത്തോടെ സംസ്ഥാന കാര്ഷിക-കര്ഷകക്ഷേമ വകുപ്പും വ്യവസായവകുപ്പും ചേര്ന്ന് നടപ്പിലാക്കുന്ന കേരളാ കാലാവസ്ഥാ അതിജീവന കാര്ഷിക മൂല്യ വര്ധക വിപണന ശൃംഖല നവീകരണ പദ്ധതി (കേര) സഹായത്തിന് റബര് കര്ഷകര്ക്ക് അപേക്ഷ സമര്പ്പിക്കാം.
കുറഞ്ഞത് 25 സെന്റില് കൃഷി ചെയ്യണം. രണ്ട് ഹെക്ടറിലേക്ക് വരെ സഹായം ലഭിക്കും. അപേക്ഷകര് റബര് ബോര്ഡ് നല്കുന്ന പരിശീലനത്തില് നിര്ബന്ധമായി പങ്കെടുക്കണം. അപേക്ഷിക്കുന്ന ഭൂമി സ്വകാര്യ ഉടമസ്ഥയിലുളളതായിരിക്കണം.
പാടശേഖരങ്ങള് പദ്ധതിക്ക് അര്ഹമല്ല. റബര് ബോര്ഡ് സര്ട്ടിഫൈഡ് നഴ്സറികളില്നിന്ന് റബര് ബോര്ഡ് നിര്ദേശിക്കുന്ന ഇനം തൈകള് നടണം. ഒരു ഹെക്ടറിന് 75,000 രൂപ സഹായം ലഭിക്കും. ആദ്യഗഡു 55,000 രൂപ.
രണ്ടാം ഗഡു ഒരു വര്ഷം പൂര്ത്തിയായ തൈകളുടെ വളര്ച്ച വിലയിരുത്തിയശേഷം ശേഷിക്കുന്ന 20,000 രൂപ. ആധാറുമായി ബന്ധപ്പെട്ട ബാങ്ക് അക്കൗണ്ടിലേക്ക് നേരിട്ട് ആനുകൂല്യങ്ങള് കൈമാറും. ആധാര് കാര്ഡ്, പ്ലോട്ടിന്റെ സ്കെച്ച്, റബര് തൈ വാങ്ങിയ ബില്, ബാങ്ക് പാസ്ബുക്കിന്റെ പകര്പ്പ്, ഭൂമിയുടെ ഉടമസ്ഥാവകാശ സര്ട്ടിഫിക്കറ്റ് എന്നീ രേഖകള് വേണം.
ജില്ലയില് ഈ വര്ഷം റബര് നടുന്നവര്ക്കും കഴിഞ്ഞ ജൂണ് -ജൂലൈ മാസങ്ങളില് പുനര്നടീല് ചെയ്തവര്ക്കും അപേക്ഷിക്കാം. ഫോണ്: 9633280760.
Deepika
E-paper LOGIN
LOGIN